Arhanizatary Dnia Voli dali spravazdaču, na što pajšoŭ kožny achviaravany rubiel
Kolki naźbirali
U hetym hodzie niečakanym i vielmi pryjemnym instrumientam akazaŭsia Facebook, praź jaki atrymałasia sabrać značnuju sumu hrošaj. Uvohule raźbiŭka pa katehoryjach vyhladaje tak:
Tałaka —12937 rubloŭ (kamisija 6%)
Facebook — 6904 dalaraŭ (kamisija 8%)
Jandeks Hrošy — 2000 rasijskich rubloŭ
Paypal — 1067 złotych
Najaŭnyja hrošy praz pramuju pieradaču — 1147 rubloŭ
Pramyja pieraličeńni na kartku— 324 rubli
Webmoney — 20 dalaraŭ
WMZWebmoney — 8038 rasijskich rubloŭ
Takim čynam, biez uliku kamisij, za hetuju kampaniju było sabrana amal 30 000 biełaruskich rubloŭ. Heta ŭ 2 razy mienš, čym na BNR100.
Vydatki na roznyja mierapryjemstvy
Jak zaŭsiody, samaje darahoje što jość — heta techničnaje zabieśpiačeńnie kancerta. Ź jaho i pačniom:
- Ccena i huk — 8540 rubloŭ. Scena była dakładna takaja ž, jak i ŭ na BNR100. Ale ŭ metach ekanomii srodkaŭ my admovilisia ad vialikaha ekrana i dadatkovaha śviatła (chapiła soniejka).
- 3 hienieratary — 1970 rubloŭ
- arenda 20 racyj dla achovy i vałancioraŭ — 320 rubloŭ
- bejdžy dla artystaŭ, techničnaha piersanału, achovy, ŚMI, vałancioraŭ i arhanizataraŭ — 125 rubloŭ
- baniery dla sceny — 350 rubloŭ
- vialiki BČB-ściah — 150 rubloŭ
- arenda stałoŭ i kresłaŭ (siadziačaja zona dla pažyłych ludziej) — 280 rubloŭ
- zaharadžalnaja stužka — 60 rubloŭ
- macavalnyja ściažki — 90 rubloŭ
- vudzilna dla ściahoŭ — 200 rubloŭ
Takim čynam, našy artysty, jak i ŭ minułym hodzie, akazalisia hierojami, chutka adhuknuŭšysia na zaklik vystupić. Šmat u kaho ŭ hety dzień byli zapłanavany zahadzia inšyja mierapryjemstvy, ale jany zrabili ŭsio, kab paradavać vas. Jak i na BNR100, asnoŭnyja zatraty na artystaŭ i ich kamandu (sumiesna bolš čym 20 čałaviek) skłali techničnyja rajdery, tranśfier tudy i nazad, pražyvańnie, arhanizacyja hrymiorak, charčavańnie, taksi i inšyja rečy. Sukupna hetyja vydatki skłali 8100 rubloŭ.
Fota Voli Aficeravaj.
Varta asobna adznačyć, što ŭ hetym hodzie značnaja suma pajšła kankretna dziaržavie za akazańnie «pasłuh». Zhodna z novym zakanadaŭstvam, praviadzieńnie masavych mierapryjemstvaŭ stanovicca davoli darahoj rečču. Tak, za pasłuhi MUS daviałosia zapłacić 3285 rubloŭ, chutkaj dapamohi — 180 rubloŭ, prybiralni — 616 rubloŭ.
Na drukavanuju pradukcyju i roznuju palihrafiju ŭ hetym hodzie syšło značna mienš hrošaj — 2200 rubloŭ.
Kamisii płatformaŭ, na jakich vioŭsia zbor hrošaj (Talaka, Facebook, Donation Alerts i h.d.) sukupna skłali kala 2000 rubloŭ.
Niahledziačy na toje, što asnoŭnaj placoŭkaj śviatkavańnia byŭ horad Hrodna, kamanda Art-Siadziby paśpieła padrychtavać 24 sakavika ŭ minskaj kaviarni «Hraj» mierapryjemstvy na ŭvieś dzień. Na arhanizacyju «Škoły BNR» syšło 1260 rubloŭ.
Vydatki na rekłamu i jaje vytvorčaść
Ciapier piarojdziem da rekłamy. Tak jak vonkavuju rekłamu ŭ Hrodnie spačatku dazvolili, a potym raptoŭna admovili, asnoŭny ŭpor pryjšłosia rabić na sacsietki i internet. Dziakujučy našamu talenavitamu vałancioru tarhietołahu-markietołahu, nam (jak i letaś) udałosia damahčysia dobraha achopu aŭdytoryi. Da prykładu, u VK heta 557 000 pakazaŭ usich rekłamnych pastoŭ metavaj aŭdytoryi.
Na rekłamu ŭ hetaj sacsietcy syšło 920 rubloŭ.
Taksama svaimi achopami paradavali Adnakłaśniki. Sumarna našym rekłamnymi pastam udałosia achapić 772 000 pakazaŭ. Syšło na heta 430 rubloŭ.
Nu, i my nie zabylisia pra Facebook i Instahram. Tam taksama ŭdałosia nabrać bolš za sotniu tysiač pakazaŭ rekłamy zacikaŭlenaj aŭdytoryi. Usiaho na tarhietynh u hetych sacsietkach syšło 640 rubloŭ.
Decentralizavanaje śviatkavańnie
Mnohija čuli śviatočny salut u 21.00 25-ha sakavika. U Minsku jon byŭ arhanizavany dziakujučy vałancioram. Zakupka vialikich i mocnych ustanovak abyšłasia ŭ 3000 rubloŭ.
Takim čynam, sukupnyja vydatki na mierapryjemstva skłali — 34 626 rubloŭ. Niedachop srodkaŭ byŭ pakryty ŭłasnymi siłami kamandy arhanizataraŭ.
Padtrymać zbor:
Zbor hrošaj praz Tałaku
Zbor hrošaj praz Facebook
Vielizarny dziakuj usim, chto padtrymaŭ śviatkavańnie! Žyvie Biełaruś!