Partuhalskaja spartoŭka naradziła praz try miesiacy paśla śmierci mozhu. Dzicia zdarovaje
Partuhalskaja kanaistka Kataryna Siakiejra ŭ komie naradziła dzicia. 26-hadovuju dziaŭčynu špitalizavali na 19-m tydni ciažarnaści praź ciažki prystup astmy. Jaje ŭviali ŭ stan štučnaj komy, ale praź niekalki dzion lekary kanstatavali śmierć mozhu, piša Bi-Bi-Si.
Na praciahu 56 dzion miedyki štučna padtrymlivali žyćciadziejnaść arhanizma spartoŭki, kab płod moh dastatkova vyraści. Na 32-m tydni ciažarnaści daktary zrabili kiesarava siačeńnie i praź niekalki hadzin adklučyli Katarynu ad sistem žyćciezabieśpiačeńnia.
Chłopčyka nazvali Salvador.
Jon naradziŭsia niedanošanym, vahoj usiaho 1,7 kiłahrama, ale, pa słovach miedykaŭ, całkam zdarovy.
Heta druhoje dzicia, jakoje źjaviłasia na śviet u Partuhalii ad žančyny, čyj mozh pamior.