Pamior rasijski akcior Alaksiej Bułdakoŭ
Rasijski akcior Alaksiej Bułdakoŭ pamior na 69-m hodzie žyćcia. Pra heta paviedamili ŭ pres-słužbie Hildyi akcioraŭ kino Sajuza kiniematahrafistaŭ, paviedamlaje TASS.
Pryčynaj śmierci staŭ tromb. Paviedamlajecca, što akcior pamior na hastrolach u Manholii.
Alaksiej Bułdakoŭ naradziŭsia ŭ 1951 h. u Ałtajskim krai. Prasłaviŭsia ŭ filmach «Asablivaści nacyjanalnaha palavańnia» i «Asablivaści nacyjanalnaj rybałki».
Źniaŭsia taksama i ŭ niekalkich biełaruskich filmach, u tym liku ŭ «Znaku biady». U 1985-1993 — Alaksiej Bułdakoŭ byŭ akcioram Teatra-studyi kinastudyi «Biełaruśfilm», a jaho pieršaja žonka — dačka biełaruskaha akciora Paŭła Karmunina.