Ź Minskaha RUUS pačali vyzvalać zatrymanych kala Kurapataŭ
dapoŭniena
Zatrymańnie kiraŭnika «Maładoha Frontu» Dzianisa Urbanoviča la Kurapataŭ. Na momant publikacyi Urbanovič zastajecca zatrymanym.
A 21-j hadzinie 4 krasavika vyzvalili Pilipa Šaŭrova i Valera Rabcava. Hadzinaj raniej vyzvalili Valancinu Jaromienak. Častka zatrymanych znachodzicca ŭ izalatary časovaha ŭtrymańnia, paviedamlaje «Radyjo Svaboda».
Pilip Šaŭroŭ skazaŭ Svabodzie, što na ich skłali pratakoł pavodle artykuła 17-1 — heta drobnaje chulihanstva. Nibyta «pieraškadžali pracy budaŭnikoŭ z pradpryjemstva «Zasłaŭjebudindustryja», razmachvali rukami i kryčali».
Im adrazu ŭručyli pozvy ŭ sud na 18 i 19 krasavika. Pavodle Šaŭrova, ź imi razmaŭlaŭ načalnik RUUS.
«Nam skazali, što chutka ŭsich vyzvalać. Pakul my čakajem siabroŭ kala budynku Mienskaha RUUS na vulicy Skaryny», — skazaŭ Pilip Šaŭroŭ.
Taksama stała viadoma, što Źmicier Daškievič taksama ciapier na voli.