U Kryčavie ŭ race patanuli maci i dačka. U kišeni dački była pieradśmiarotnaja zapiska
U Kryčavie 8 krasavika patanuli dźvie žančyny — maci i dačka. Cieła 40-hadovaj miascovaj žycharki znajšli, jaje maci — šukajuć, paviedamili Tut.by u Kryčaŭskim Asvodzie. Pa niekatorych dadzienych, u kišeni kurtki dački była pieradśmiarotnaja zapiska.
U Asvodzie raspaviali, što pra nieabchodnaść pošuku cieł patanułych u race Sož im paviedamiła milicyja ŭ pieršaj pałovie dnia. Cieła 40-hadovaj žančyny vyjavili paśla abiedu na vodmieli na terytoryi Kryčava. Na bierazie vyjavili jaje rečy — mabilny telefon, kurtku.
Ratavalniki padkreślili, što vidavočcaŭ zdareńnia niama, tamu poŭnuju karcinu padziej adnović śledstva. A kazać pra toje, što mieła miesca samahubstva, pakul nielha.
Cieła maci znojdzienaj žančyny praciahvajuć šukać.