Kipr sutyknuŭsia ź pieršym sieryjnym zabojcam u historyi krainy
pixabay.com
Na Kipry ŭziali pad vartu sałdata, jaki padazrajecca ŭ zabojstvie troch čałaviek. Mužčynu nazyvajuć pieršym sieryjnym zabojcam u krainie, piša Daily Mail.
Pa dadzienych palicyi, 35-hadovy vajskoviec byŭ zatrymany paśla vyjaŭleńnia trupaŭ dźviuch žančyn. Jaho taksama padazrajuć u zabojstvie šaścihadovaj dački adnoj ź ich. Usie troje ličylisia źnikłymi bieź viestak z 2018 hoda, pakul cieły žančyn nie znajšli ŭ zatoplenaj šachcie Micera niepadalok ad kiprskaj stalicy — Nikasii. U ciapierašni čas vadałazy abšukvajuć susiedniaje voziera ŭ pošukach pareštkaŭ dziaŭčynki.
Śledčyja zajavili, što zatrymany ŭžo pryznaŭsia ŭ zabojstvie adnoj z žančyn. Jon raspavioŭ, što heta była 28-hadovaja ŭradženka Filipin, jon jaje zadušyŭ. Paviedamlajecca, što mužčyna źviazvaŭsia z abiedźviuma achviarami praz dadatak dla znajomstvaŭ.
Kiraŭnik palicyi Zachar Chrysastomu zajaviŭ, što vartavyja paradku i hramadstva «sutyknulisia ź biesprecedentnym dla Kipra złačynstvam».