Bolš za 90 členaŭ vybarčych kamisij pamierli ŭ Indaniezii ad pieratamleńnia pry padliku hałasoŭ
@berkaryainfo
Prynamci 91 člen vybarčych kamisij pamior i 374 trapili ŭ balnicu paśla ŭsieahulnych vybaraŭ u Indaniezii, paviedamlaje miascovaje vydańnie Tempo.
Staršynia CVK Aryf Budyman zajaviŭ, što pryčynaj bolšaści śmierciaŭ stała pieratamleńnie pry padliku hałasoŭ. Niekatoryja siabry vybarčych kamisij biezupynna pracavali bolš za sutki.
Budyman prapanavaŭ vypłacić siemjam pamierłych i paciarpiełych kampiensacyi ŭ pamiery ad 30 da 36 miljonaŭ indaniezijskich rupij (kala 2100-2500 dalaraŭ). Akramia taho, jon paabiacaŭ źnizić nahruzku na siabraŭ vybarčych kamisij.
Najbujniejšyja ŭ śviecie adnadzionnyja vybary prajšli ŭ Indaniezii 17 krasavika. Žychary krainy vybirali prezidenta, deputataŭ dźviuch pałat parłamienta, a taksama členaŭ zakanadaŭčych orhanaŭ pravincyj i akruhaŭ. Pa ŭsioj krainie było adkryta bolš za 800 tysiač vybarčych učastkaŭ.