Radyjo Svaboda kančatkova pakidaje radyjochvali
30 krasavika na siaredniachvalevaj častacie 1386 kHc apošni raz prahučyć sihnał, havorycca ŭ paviedamleńni na sajcie.
«Radyjo Svaboda paśla amal 65 hadoŭ štodzionnaha efiru kančatkova pakidaje radyjochvali. Radyjo kančajecca, ale pramoŭlenaje słova i muzyka zastajucca ŭ arsienale Svabody. Z chvalaŭ radyjoefiru my pieraklučajemsia na inšyja kanały pieradačy aŭdyjosihnałaŭ. Nas nadalej budzie možna słuchać u suśvietnym siecivie — i ŭ patokavym viaščańni, i na padkastavym płatformach — a taksama praz satelit», — adznačajecca ŭ abviestcy.