Minsk nazvaŭ terminy poŭnaha adnaŭleńnia naftapravoda «Družba»
Na adnaŭleńnie tranzitu nafty pa trubapravodzie «Družba» ŭ poŭnym abjomie spatrebicca niekalki miesiacaŭ napružanaj pracy. Pra heta paviedamiŭ biełaruski kancern «Biełnaftachim».
U kampanii adznačyli, što pryniatyja na siońniašni dzień miery daduć mahčymaść adnavić pracu tolki adnoj nitki naftapravoda z dvuch.
«Urehulavańnie situacyi z pastaŭkami niajakasnaj rasijskaj nafty pa mahistralnym naftapravodzie «Družba» praciahvajecca. Siońnia znoŭ u Minenierha Rasii prachodziać pieramovy pradstaŭnikoŭ kancerna «Biełnaftachim» i rasijskich naftavych i naftatranspartnych kampanij», — havorycca ŭ paviedamleńni «Biełnaftachima».