Deputaty pryniali ŭ druhim čytańni papraŭki ŭ antynarkatyčny artykuł: nižniaja miaža źmienšana
Pałata pradstaŭnikoŭ pryniała siońnia ŭ druhim čytańni papraŭki ŭ art.328 KK (niezakonny abarot narkatyčnych srodkaŭ, psichatropnych rečyvaŭ, ich prekursoraŭ i anałahaŭ). Navacyi praduhledžvajuć pamianšeńnie nižniaj miažy pakarańnia ź piaci da troch hadoŭ pazbaŭleńnia voli pa č.2 i z vaśmi da šaści hadoŭ pazbaŭleńnia voli pa č.3, paviedamlaje BiełTA.
Pa daručeńni kiraŭnika dziaržavy papraŭki ŭ Antynarkatyčnaje zakanadaŭstva dadatkova vyvučalisia ŭsimi zacikaŭlenymi z ulikam važnaści hetaj temy dla hramadstva. Paśla abmierkavańnia zastalisia papraŭki, jakija praduhledžvajuć źmianšeńnie nižniaj miažy pakarańnia pa č.2 i pa č.3 art. 328 na dva hady. Heta zroblena dla taho, kab indyvidualizavać pakarańnie, kab sudździa moh uličyć abstaviny kankretnaha čałavieka.
Pry hetym vierchniaja miaža da 8 hadoŭ pa č.2 i da 15 hadoŭ pa č.3 zastajecca bieź źmienaŭ.
Kryminalny zakon maje zvarotnuju siłu. Heta nie značyć, što ŭsie asudžanyja pa č.2 i 3 art.328 patrapiać pad dziejańnie jaje źmienaŭ. Rašeńnie ŭ kožnym vypadku budzie prymać sud.