Narviehija: Rasija painfarmavała, što na padłodcy adbyŭsia vybuch hazu
Rasijskija čynoŭniki prainfarmavali Narviežskaje ahienctva pa radyjacyjnaj i jadziernaj biaśpiecy ab tym, što na borcie hłybakavodnaha aparata adbyŭsia vybuch hazu. Pra heta dyrektar ahienctva Pier Strand skazaŭ u kamientary Reuters.
«My praviali zamiery i nie znajšli zanadta vysokaha ŭzroŭniu radyjacyi ŭ hetym rajonie», — skazaŭ jon.
U svaju čarhu ministerstva abarony Rasii abvierhła infarmacyju pra vybuch hazu na navukova-daśledčym hłybakavodnym aparacie VMF Rasii, piša RIA Novosti.
U vyniku pažaru, jaki ŭspychnuŭ na borcie adnaho z padvodnych aparataŭ hłybakavodnaj atamnaj padłodki AS-12 vajenna-marskoha fłotu Rasii, zahinuli 14 marakoŭ.
Siarod zahinułych — siamiora kapitanaŭ pieršaha ranhu i dvoje hierojaŭ Rasii.