Žurnalist hruzinskaha telekanała vyklikaŭ mižnarodny skandał, abraziŭšy Pucina ŭ efiry
Hieorhij Habunija
Hruzinskaja telekampanija «Rustavi 2» spyniła viaščańnie. U kiraŭnictvie patłumačyli heta situacyjaj, jakaja ŭźnikła paśla abraźlivych replik adnaho ź viadoŭcaŭ na adras Uładzimira Pucina i jaho svajakoŭ, piša RBK.
U paviedamleńni, apublikavanym kiraŭnictvam telekampanii, spynieńnie viaščańnia patłumačyli niazdolnaściu MUS Hruzii harantavać biaśpieku žurnalistam. Paviedamlajecca, što paśla skandalnaha vystupu ŭ prahramie P.S. byli ździejśnienyja napady na niekalkich supracoŭnikaŭ.
Raniej stała viadoma, što kala budynka, u jakim znachodzicca «Rustavi 2», sabralisia niekalki dziasiatkaŭ čałaviek, jakija zapatrabavali zakryćcia telekampanii i prabačeńniaŭ z boku jaje kiraŭnictva i žurnalista Hieorhija Habunija.
Kiraŭnictva «Rustavi 2» aficyjna pieraprasiła za pavodziny svajho supracoŭnika. Tam paviedamili, što ličać rasijskaha prezidenta «voraham» i vystupajuć suprać cenzury, adnak ličać nieprymalnym mat u efiry.
Asudzili pavodziny Habunii prezident i premjer-ministr Hruzii. Eks-prezident krainy Michaił Saakašvili, jakoha padtrymlivaje «Rustavi 2», zaklikaŭ hruzinskija vydańni nie pieratvaracca ŭ «isteryčnyja rasijskija ŚMI», pieradavać infarmacyju biez epatažu i ŭ cyvilizavanaj formie.