Lidar apazicyi Polščy vykazaŭsia za lehalizacyju adnapołych šlubaŭ
Vybary projduć uvosień.
Kiraŭnik apazicyjnaj «Hramadzianskaj płatformy» Hžehaž Schietyna vykazaŭsia za lehalizacyju adnapołych šlubaŭ. Pra heta jon zajaviŭ u subotu ŭ Varšavie na prahramnym forumie «Hramadzianskaj kaalicyi», piša Radyjo Polšča.
Hžehaž Schietyna pradstaviŭ asnoŭnyja pałažeńni pieradvybarnaj prahramy hetaj farmacyi. Pavodle jaho słoŭ, Hramadzianskaja kaalicyja ŭ svaich dziejańniach budzie rabić staŭku na ŭmacavańnie demakratyčnych svabodaŭ i decentralizacyju dziaržavy. U hetaj suviazi siarod pryjarytetaŭ kaalicyi paśla mahčymaj pieramohi na vosieńskich parłamienckich vybarach Schietyna nazvaŭ admienu sudovaj reformy, što ažyćciaŭlajecca ciapier kirujučaj partyjaj «Prava i spraviadlivaść» i jaje sajuźnikami.
Jon taksama zajaviŭ, što sacyjalnyja i ekanamičnyja prahramy, ukaranionyja ciapierašnim uradam, u tym liku prahrama pa finansavaj padtrymcy siemjaŭ «500+», buduć praciahnutyja, ale ŭ novym vyhladzie.