Minadukacyi zaćvierdziła ispyty ŭ nastupnym navučalnym hodzie
Dzieviacikłaśniki buduć zdavać try piśmovyja ekzamieny: biełaruskuju i ruskuju movy, a taksama matematyku.
Dla vučniaŭ kłasaŭ, u jakich navučańnie i vychavańnie na druhoj stupieni ahulnaj siaredniaj adukacyi viałosia na movie nacyjanalnaj mienšaści - polskaj abo litoŭskaj, razam z hetymi pradmietami abaviazkovaj zaćvierdžana polskaja abo litoŭskaja mova ŭ piśmovaj formie.
U kaledžach mastactvaŭ, siarednich škołach - kaledžach mastactvaŭ i himnazijach - kaledžach mastactvaŭ dzieviacikłaśniki razam z asnoŭnymi buduć zdavać adzin z vučebnych pradmietaŭ na vybar. Ekzamien budzie pravodzicca ŭ praktyčnaj formie.
Adzinaccacikłaśnikam u novym navučalnym hodzie treba budzie piśmova zdavać matematyku, biełaruskuju movu abo ruskuju movu na vybar. Vusnymi buduć ekzamieny pa zamiežnaj movie i historyi Biełarusi.
Vučni z kłasaŭ nacyjanalnych mienšaściej taksama zdajuć piśmovy ekzamien pa polskaj abo litoŭskaj movie. Adzinaccacikłaśniki siarednich škoł —kaledžaŭ mastactvaŭ, himnazij - kaledžaŭ mastactvaŭ zdajuć dadatkovy praktyčny vypuskny ekzamien pa vybary, nakiravany na raźvićcio ich tvorčych zdolnaściej.