Kolkaść achviar u dziciačym namiotavym łahiery ŭ Chabaraŭskim krai vyrasła da čatyroch
Kolkaść zahinułych u vyniku pažaru ŭ dziciačym namiotavym łahiery na turbazie «Chałdomi» ŭ Chabaraŭskam krai ŭzrasła da čatyroch čałaviek. Pra heta paviedamlaje TASS.
Raniej było viadoma, što ŭ vyniku pažaru zahinuła 11-hadovaja dziaŭčynka. Taksama troje dziaciej trapili ŭ balnicu z mocnymi apiokami ŭ stanie komy.
Dźvie dziaŭčynki i chłopčyk pamierli ŭ reanimacyi.
U špitali zastajecca chłopčyk z atručvańniem čadnym hazam. Usiaho ŭ łahiery znachodzilisia 189 dziaciej.
Pa papiarednich dadzienych, pažar u łahiery adbyŭsia ŭ noč na 23 lipienia z-za niaspraŭnaha radyjatara ŭ adnym z namiotaŭ. SK Rasii zavioŭ kryminalnuju spravu ab pryčynieńni śmierci pa nieaściarožnaści i akazańni pasłuh, jakija nie adpaviadajuć patrabavańniam biaśpieki. Dyrektar łahiera zatrymany.