Rasijskaha apazicyjaniera Navalnaha špitalizavali ź simptomami, padobnymi da atručeńnia
Rasijskaha apazicyjaniera Alaksieja Navalnaha, aryštavanaha na 30 sutak, špitalizavali z-za «vostraj alerhičnaj reakcyi». Pra heta 28 lipienia paviedamiła ŭ tvitary pres-sakratarka «Fondu baraćby z karupcyjaj» Kira Jarmyš.
Pavodle jaje słoŭ, u 9:30 ranicy Navalny byŭ špitalizavany z dyjahnazam «vostraja alerhičnaja reakcyja» z-za mocnaha acioku tvaru i pačyrvanieńnia skury.
«Krynica alerhičnaj reakcyi nie vyznačana. Za ŭsio svajo žyćcio Alaksiej nikoli raniej nie adčuvaŭ alerhičnaj reakcyi», — zajaviła Jarmyš.
Jana dadała, što supracoŭniki śpiecpryjomnika, dzie ŭtrymlivajuć Navalnaha, vyklikali «chutkuju», jakaja dastaviła jaho ŭ špital.