Milicyja vyratavała 24-hadovaha chłopca, jaki sprabavaŭ skoknuć z 9-ha paviercha
Zdareńnie adbyłosia siońnia ranicaj u Viciebsku: 24-hadovy chłopiec sprabavaŭ saskočyć z bałkona 9 paviercha šmatpaviarchovika rajonie Bilova, paviedamiła ŭ svaim telehram-kanale pres-sakratar MUS Volha Čamadanava.
Paviedamleńnie pastupiła na śpiecliniju 102. Na miesca vyjechała milicyja, AMAP, supracoŭniki MNS.
Supracoŭnikam milicyi svajačka maładoha čałavieka tłumačyła, što nie razumieje, čamu jon rašyŭsia na taki krok.
Mužčyna nikoha da siabie nie dapuskaŭ i pahražaŭ saskočyć, kali ŭbačyć supracoŭnikaŭ milicyi. Pravaachoŭnikami byŭ vyznačany koła asob, jakim jon moža daviarać. Pryniali rašeńnie vyklikać jaho siabra dla psichałahičnaha ŭździejańnia.
U vyniku milicyjantam udałosia vyklikać z bałkona chłopca, jaki vyrašyŭ źvieści rachunki z žyćciom. U ciapierašni čas jon pieradadzieny miedykam.