Zialenski daručyŭ lehalizavać va Ukrainie kazino
Prezident Ukrainy Uładzimir Zialenski daručyŭ da 1 śniežnia pryniać zakony ab lehalizacyi azartnych hulniaŭ i vytvorčaści burštynu, paviedamlaje Ukrainskaja słužba Radyjo Svaboda.
Ihralnyja ŭstanovy va Ukrainie byli zabaronienyja z 2009 hoda.
A niezakonnaja zdabyča burštynu adbyvajecca ŭ Žytomirskaj, Rovienskaj i Vałynskaj abłaściach. U niekatoryja rajony niezakonnaha promysłu pravaachoŭnyja orhany mohuć trapić tolki padčas śpiecyjalnych apieracyj. Košt niezakonna narychtavanaha burštynu aceńvajecca ŭ sotni miljonaŭ dalaraŭ.