Biełarusy pačali baraćbu za Kubak Devisa
Na kortach minskaha Pałaca tenisa startujuć matčy kvalifikacyj Kubka Devisa, u jakich zbornaja Biełarusi vystupaje suprać partuhalskaj kamandy. Sietka aptek ADEL vystupaje partnioram mierapryjemstva.
U skład biełaruskaj zbornaj uvajšli tenisisty Jahor Hierasimaŭ, Illa Ivaška, Uładzimir Ihnacik, Alaksandr Zhiroŭski i Andrej Vasileŭski. Kapitanam kamandy staŭ Ihar Cichanko. Mužčynskaja zbornaja zajmaje ciapier 31-je miesca ŭ rejtynhu Kubka Devisa, partuhalskaja kamanda — na 26-ym.
U pieršy dzień Illa Ivaška zhulaje z hałoŭnaj partuhalskaj zorkaj — 64-j rakietkaj śvietu Žuanam Soŭzam. Paśla zakančeńnia pajadynku Jahor Hierasimaŭ pazmahajecca z Žoaa Daminhiešam. U druhi dzień, 14 vieraśnia, projdzie parny matč, paśla jakoha adbuducca jašče dźvie sustrečy ŭ adzinočnym razradzie.
Zbornyja Biełarusi i Partuhalii ŭžo sustrakalisia dvojčy na spabornictvach Kubka Devisa. U 2002 hodzie kamanda Biełarusi zdabyła pieramohu ź likam 4:1. U 2015 hodzie našy suajčyńniki sastupili partuhalcam ź likam 2:3. Tak što pakul u hetym supraćstajańni nazirajecca ničyja.
«Unutry kampanii my nadajom vialikuju ŭvahu zdarovamu i aktyŭnaha ładu žyćcia. I naš deviz — «Ja za ciabie!». Časta dla taho, kab zaniacca saboj, mnohim ludziam nie chapaje niejkaha aryjenciru, pakazalnaha prykładu pierad vačyma. Na naš pohlad, biełaruskija tenisisty majuć usie šancy pryhoža i vynikova vystupić na Kubku Devisa ŭ najbližejšy čas. My ŭpeŭnienyja, što chłopcy nie tolki hodna pradstaviać krainu, ale i svaim prykładam natchniać inšych zajmacca sportam», — prakamientavali pradstaŭniki sietki ADEL.
Kubak Devisa ŭ hetym hodzie źmianiŭ farmat praviadzieńnia spabornictvaŭ. Zamiest dźviuch rehijanalnych hrup u zonach «Amieryki», «Azija/Akijanija» i «Jeŭropa/Afryka» stvarajucca dźvie suśvietnyja hrupy. Dla ich projduć dadatkovyja raŭndy płej-of, jakija adbuducca ŭ sakaviku 2020 hoda adnačasova z adboračnymi matčami ŭ finalnuju častku Kubka Devisa. U apošnich voźmie ŭdzieł biełaruskaja zbornaja, kali adoleje partuhalcaŭ na hetym tydni.
Biełaruś pačała vystupać na Kubku Devisa z 1994 hoda. Najlepšym vynikam nacyjanalnaj zbornaj staŭ vychad u paŭfinał u 2004 hodzie. Tady jana zmahła abyści mocnych supiernikaŭ u asobie kamandy Rasii i Arhienciny, ale sastupiła zbornaj ZŠA ź likam 0:4.