Pad Žytomiram cysterna ŭrezałasia ŭ aŭtobus: zahinuli dzieviać čałaviek
Pozna ŭviečary 22 vieraśnia ŭ Žytomirskaj vobłaści (Ukraina) adbyłasia DTZ z udziełam hruzavika i aŭtobusa, u vyniku čaho 9 čałaviek zahinuli, a jašče 11 atrymali ranieńni, paviedamlaje Ukrainskaja praŭda.
Zdareńnie adbyłosia ŭ 10:30 viečara na trasie Kijeŭ — Čop. 55-hadovy kiroŭca DAF z paŭpryčepam (cysterna), jaki ruchaŭsia ŭ bok Kijeva, nie spraviŭsia z kiravańniem i sutyknuŭsia z aŭtobusam, jaki jechaŭ na maršrucie Žytomir — Jaremča, ale ŭ toj čas stajaŭ na abočynie.
66-hadovy kiroŭca aŭtobusa spyniŭsia, kab zamianić koła, niekatoryja jaho pasažyry pakinuli sałon i stali la darohi.
U vyniku sutyknieńnia zahinuli 9 pasažyraŭ aŭtobusa. Kiroŭca hruzavika i 9 inšych pasažyraŭ aŭtobusa va ŭzroście ad 42 da 71 hoda špitalizavany ŭ Navahrad-Vałynskuju balnicu.