Siem žonak pažarnych z adnoj stancyi adnačasova naradzili
U amierykanskim horadzie Sołśbiery, štat Paŭnočnaja Karalina, siem žonak pažarnych, jakija pracujuć na adnoj stancyi, naradzili dziaciej prykładna ŭ adzin i toj ža čas. Pra heta paviedamlaje infarmacyjny partał WNBC.
U pieršy raz ŚMI źviarnuli ŭvahu na žančyn u sakaviku, tady ŭsie jany byli na roznych terminach ciažarnaści i razam zrabili fota ŭ pažarnaj formie mužoŭ. Zdymak šyroka razyšoŭsia pa sacyjalnych sietkach.
U vieraśni Brianna Mitschele, jakaja zrabiła pieršuju fatahrafiju, vyrašyła sfatahrafavać tych samych žančyn razam ź ich novanarodžanymi dziećmi. «Nie mahu pavieryć, što prajšło ŭžo šeść miesiacaŭ z momantu, kali byŭ zrobleny toj zdymak z budučymi mamami. Čas lacić, i ciapier na pažarnaj stancyi pazirujuć ščaślivyja i zdarovyja dzieci i ich baćki», — adznačyła amierykanka.
Žančyny zajavili žurnalistam, što nie źbiralisia zaciažaryć adnačasova i nie viedali ab płanach adna adnoj zavieści dziaciej. «Mahčyma, našy mužy heta zapłanavali», — pažartavała adna ź ich.