U Śvietłahorsku mužčyna na «Žyhulach» začapiŭ školnika na pierachodzie i źjechaŭ
21 kastryčnika ŭ 20:10 ź Śvietłahorskaj balnicy ŭ apieratyŭna-dziažurnuju słužbu AUS pastupiła infarmacyja ab tym, što za akazańniem miedycynskaj dapamohi źviarnulisia baćki 11-hadovaha chłopčyka. Jon rastłumačyŭ, što viartaŭsia z adnakłaśnikami z basiejna. Na rehulavanym piešachodnym pierachodzie jaho začapiŭ aŭtamabil. U vyniku dzicia atrymała udar nahi, paviedamlaje pres-słužba UUS Homielskaha abłvykankama.
Było ŭstanoŭlena, što prykładna ŭ 17:10 nievyśvietleny kiroŭca, kirujučy aŭtamabilem zialonaha koleru, na zabaranialny sihnał śviatłafora vyjechaŭ na piešachodny pierachod i začapiŭ niepaŭnaletniaha piešachoda. Ź miesca DTZ vadziciel źjechaŭ.
Apieratyŭniki vyśvietlili, što da DTZ maje dačynieńnie aŭtamabil «VAZ 21063». Kiroŭcam vyjaviŭsia mužčyna, 1959 hoda naradžeńnia, žychar Śvietłahorskaha rajona. Jon nie admaŭlaŭ fakt najezdu, ale, paličyŭšy, što dzicia nie paciarpieła, ź miesca zdareńnia źjechaŭ.
Idzie raźbiralnictva.