U Śvietłahorsku pjanaja žančyna zabiła sabutelnika
Pravaachoŭniki ŭ čarhovy raz papiaredžvajuć: złoŭžyvańnie śpirtnymi napojami da dobraha nie davodzić. Tak, sustreča z žančynaj i ałkaholem stała dla žychara Śvietłahorska fatalnaj, piša Ranak.
Jak vyśvietliła śledstva, uviečary 14 kastryčnika 32-hadovaja žančyna ŭ siabie doma ŭ kampanii znajomych užyvała śpirtnoje. Zatym pamiž haspadyniaj i jaje 27-hadovym hościem zdaryŭsia kanflikt. Raźjušanaja žančyna schapiłasia za nož i ŭdaryła chłopca ŭ vobłaść hrudziej. Jon pamior na miescy.
Žančynu zatrymali. Ciapier jana znachodzicca ŭ izalatary časovaha ŭtrymańnia.
Śvietłahorski RASK raspačaŭ kryminalnuju spravu pa č 1. art. 139 KK RB (zabojstva). Žančynie pahražaje pakarańnie ŭ vyhladzie pazbaŭleńnia voli na termin ad šaści da piatnaccaci hadoŭ.