Leanid Prančak padaŭ u sud na Irynu Darafiejevu za parušeńnie aŭtarskich pravoŭ
Leanid Prančak, fota Nadziei Bužan
4 śniežnia deputatka Pałaty pradstaŭnikoŭ šostaha sklikańnia, śpiavačka Iryna Darafiejeva raskazała Jeŭraradyjo, što padčas pracy ŭ parłamiencie jaje asabliva cikaviła tvorčaja śfiera.
«Ja adstojvała pravy niepasredna aŭtaraŭ, heta było važna, — kaža Darafiejeva. — Ale ciapier, pryznajusia ščyra, sama ŭdzielničaju ŭ maleńkim sudovym pracesie».
Śpiavačka sudzicca ź biełaruskim paetam i pierakładčykam, aŭtaram papularnych piesień Leanidam Prančakom. Toj padaŭ na jaje ŭ sud, tamu što Darafiejeva biez dazvołu vypuściła 200 ekzemplaraŭ dyska z vykananaj joju pieśniaj «Tałaka» na jaho vieršy.
«Heta byli padarunkavyja dyski da jubileju, — kaža śpiavačka. — Mnie jany byli patrebnyja, kab razdać aŭtaram i muzykam. Ich nie chapiła. Tym nie mienš jon [Prančak — Jeŭraradyjo] dzieści dysk znajšoŭ i vyrašyŭ pasudzicca mienavita za pieśniu «Tałaka», jakuju vykonvaŭ miljon vykanaŭcaŭ, asabista ja śpiavała jaje jašče ŭ 93-m hodzie na fiestyvali ŭ Maładziečnie».
Darafiejeva kaža, što, zapisvajučy «Tałaku», dumała, što paet budzie ščaślivy ŭbačyć jaje na dysku, maŭlaŭ, pieśnia nie zabytaja.
«Niby tak, ale chočacca troški hrošaj»,— uśmichajecca śpiavačka.
Apošniaje pasiadžeńnie ŭ sudzie pa hetaj spravie adbudziecca 30 śniežnia.