Amierykaniec kupiŭ staruju kanapu. A tam było $43 tysiačy
Žychar Mičyhana Hovard Kirbi ŭ kancy śniežnia 2019 hoda nabyŭ staruju kanapu. Jon karystaŭsia joj dva tydni, ale ŭvieś hety čas adčuvaŭ dyskamfort, paviedamlaje CBS.
Mužčyna raspavioŭ ab niazručnaściach svajoj dačce — razam jany vyrašyli źniać abiŭku z kanapy i pahladzieć, što tak pieraškadžaje Hovardu siadzieć.
Unutry kanapy była schavanaja blašanaja skrynka z hatoŭkaj. Usiaho ŭ joj lažała 43 tysiačy dalaraŭ.
Hovard źviazaŭsia z uładalnikam kramy i daviedaŭsia, chto pradaŭ jamu hetuju kanapu.
Akazałasia, što mebla naležała pažyłomu mužčynu, jaki niadaŭna pamior. A jaho rodnyja adnieśli kanapu na rasprodaž, navat nie zdahadvajučysia pra schovanku.
Kirbi źviazaŭsia sa svajakami niabožčyka dziaduli i pieradaŭ im skrynku z hrašyma.
