Zajaŭki na ŭdzieł u prajmieryz padali šeść čałaviek. A siomy nie paśpieŭ sabrać podpisy
Fota Nadziei Bužan
16 lutaha ŭ 23:59 skončyłasia padača dakumientaŭ dla ŭdziełu ŭ pracedury «Narodnaha hałasavańnia» (Prajmieryz — abrańni kandydata ad apazicyi na ŭdzieł u prezidenckich vybarach), paviedamiŭ u svaim fejsbuku kaardynatar štaba, staršynia BSDP (Hramada) Ihar Barysaŭ.
U termin padać nieabchodny pakiet dakumientaŭ u adpaviednaści z vyznačanaj praceduraj zdoleła šeść čałaviek: Juryj Hubarevič, Mikałaj Kazłoŭ, Pavieł Sieviaryniec, Volha Kavalkova, Hanna Kanapackaja i Alaksiej Janukievič.
Pryčym Kavalkova i Kanapackaja dla svajho ŭdziełu sabrali podpisy, astatnija pretendenty na zvańnie «adzinaha» byli vyłučany ad svaich arhanizacyj.
Nie paśpieŭ sabrać nieabchodnuju kolkaść podpisaŭ biznesoviec z Fanipala Uładzimir Usienia (advažyŭsia pačać zbor podpisaŭ usiaho za dva dni da skančeńnia pracedury).
U paniadziełak pačynajecca pravierka dakumientaŭ, jakija pastupili ŭ štab «Narodnaha hałasavańnia», jana budzie praciahvacca maksimum dva tydni.
U sakaviku pačniecca samo «narodnaje hałasavańnie», kandydatura «adzinaha» pavinna być abvieščana da kanca maja.
Taksama pra svoj mahčymy ŭdzieł u vybarach zajavili kiraŭnik BSDH Siarhiej Čeračeń, prafsajuzny lidar Alaksandr Jarašuk, eks-kandydat u prezidenty Mikoła Statkievič.