U Kitai zajavili, što voźmuć uspyšku karanavirusa pad kantrol da kanca krasavika
Urad Kitaja voźmie ŭspyšku karanavirusa novaha vidu pad kantrol da kanca krasavika. Pra heta ŭ čaćvier na pres-kanfierencyi paviedamiŭ kiraŭnik śpiecyjalnaj kamisii pa baraćbie z raspaŭsiudam pnieŭmanii Dziaržaŭnaha kamiteta pa spravach achovy zdaroŭja KNR Čžun Nańšań, piša TASS.
«Dziakujučy usiebakovym zachadam, što prymajucca centralnym uradam, i sumiesnym namahańniam miedykaŭ z usioj krainy my ŭpeŭnienyja, što raspaŭsiudžvańnie karanavirusa budzie pad kantrolem da kanca krasavika», — pryvodzić słovy čynoŭnika ahienctva «Sińchua».
Raniej Čžun Nańšań zajaŭlaŭ, što pik raspaŭsiudžvańnia karanavirusa pryjdziecca na druhuju pałovu lutaha.