Ukrainskija pažarnyja spynili pašyreńnie ahniu ŭ Čarnobyli
Ukrainskaje viedamstva pa nadzvyčajnych situacyjach paviedamiła ŭ aŭtorak pra łakalizacyju lasnoha pažaru ŭ zonie adčužeńnia vakoł Čarnobylskaj AES u Kijeŭskaj vobłaści.
U Čarnobylskaj zonie praciahvajecca tušeńnie asobnych ačahoŭ tleńnia tarfianikaŭ u Dziciatkaŭskim, Paryšyŭskim i Łubianskim laśnictvach.
Pažar u zonie adčužeńnia ŭ Čarnobylskaj AES pačaŭsia 4 krasavika. U ratavalnym viedamstvie 15 krasavika paviedamlali, što hareńnie ŭdałosia całkam likvidavać, adnak na nastupny dzień z-za škvalistaha vietru ŭ niekatorych miescach znoŭ źjaviŭsia adkryty ahoń. U pryvatnaści, pažar byŭ zafiksavany ŭ 17 km ad miažy ź Biełaruśsiu.
Asnoŭnymi pryčynami pažaraŭ nazyvajuć padpały.