Biełaruś prosić u Rasii ŭ mai 1,13 miljona ton nafty, ale RF hatovaja pastavić da 2 miljonaŭ ton
Biełaruś paprasiła ŭ Rasii ŭ mai tolki 1,13, młn ton nafty, ale rasijskija kampanii hatovy pastavić naftu ŭ abjomie, pieršapačatkova praduhledžanym u hrafiku — kala 2 młn t u miesiac, paviedamiŭ u intervju «Interfaksu» ministr enierhietyki RF Alaksandr Novak.
«U nas ź Biełaruśsiu padpisany, jak vy viedajecie, indykatyŭny bałans, pa tych abjomach nafty, jakija na praciahu hoda mohuć być pastaŭleny biaspošlinna. Heta da 24 młn ton, u siarednim pa 2 młn ton u miesiac. U krasaviku 2 młn ton nie vybranyja, pakolki adnosna pozna było pryniata rašeńnie našymi biełaruskimi partniorami ab zaklučeńni kantraktaŭ z našymi kampanijami, i častka abjomaŭ, jak vy skazali, była raźmierkavanaja pa inšych napramkach», — skazaŭ jon.
«Što tyčycca maja, biahučaja zajaŭka biełaruskich NPZ składaje 1,13 młn ton. Adnak, pakolki ekspartny hrafik dazvalaje, to pry najaŭnaści patreby našych biełaruskich partnioraŭ u dadatkovaj pierapracoŭcy nafty rasijskija kampanii hatovy heta zabiaśpiečyć u poŭnym abjomie», — adznačyŭ rasijski ministr.