«Kantakty pieršaha ŭzroŭniu abaviazkova prachodziać miedahlad»: urad udakładniŭ praviły samaizalacyi
Adpaviednaja pastanova Saŭmina ad 5 maja 2020 hoda №268 aficyjna apublikavana siońnia na Nacyjanalnym pravavym internet-partale, paviedamlaje BIEŁTA.
Zachvarełyja na karanavirus abaviazany paviedamlać pra mahčymyja krynicy svajho zaražeńnia, a taksama raskazać pra svaje kantakty i miescy znachodžańnia.
Zaražanyja i kantakty pieršaha ŭzroŭniu abaviazkova prachodziać miedycynski ahlad.
Terminy znachodžańnia hramadzian u samaizalacyi mohuć być pradoŭžany abo skaročany pa rašeńni daktaroŭ.
Vyznačana, što dzieci da 10 hadoŭ pavinny samaizalavacca, kali jany źjaŭlajucca kantaktami druhoha ŭzroŭniu, majuć adzin abo niekalki reśpiratornych simptomaŭ i naviedvajuć dziciačyja sady abo škoły.
Znachodžańnie niepaŭnaletnich hramadzian u samaizalacyi zabiaśpiečvajuć ich zakonnyja pradstaŭniki.
Pastanova ŭstupaje ŭ siłu z dnia jaho aficyjnaha apublikavańnia.