Babaryka za sutki sabraŭ 3 tysiačy čałaviek u inicyjatyŭnuju hrupu. I vykazaŭsia pra Biełaruś i Hazprom
Patencyjny kandydat u prezidenty Viktar Babaryka sabraŭ užo bolš za 3 tysiačy čałaviek u inicyjatyŭnuju hrupu. Pra heta jon paviedamiŭ na svajoj staroncy ŭ fejsbuku.
Taksama Babaryka nazvaŭ svaje aficyjnyja staronki va ŭsich asnoŭnych sacyjalnych sietkach i miesiendžarach.
«U papiarednich dopisach ja nie rabiŭ akcentu na majoj pazicyi ŭ adnosinach da zachavańnia Biełaruśsiu statusu samastojnaj dziaržavy, miarkujučy, što heta całkam vidavočna», — adznačyŭ Babaryka.
«Jak skazaŭ adzin moj vielmi efiektyŭny pamočnik: «Nie dumaju, što mnohija b pahadzilisia pamianiać miesca ŭ struktury Hazprom na tumannuju i hałoŭnaje niebiaśpiečnuju pierśpiektyvu bieź vielmi mocnaj matyvacyi».
I jon maje racyju — tolki luboŭ da našaj Biełarusi, viera ŭ jaje ščaślivuju niezaležnuju samastojnuju budučyniu i nadzieja na toje, što ŭ mianie chopić viedaŭ i ŭmieńniaŭ efiektyŭna hetamu spryjać, vyznačyli majo rašeńnie», — napisaŭ Babaryka.
Fota Nadziei Bužan