Siužet BT pra Cichanoŭskaha: «Milicyjanier padvierhnuŭsia napadu» VIDEA
U viačernim efiry biełaruskaha telebačańnia źjaviŭsia siužet pra incydent u Hrodnie, u vyniku jakoha błohiera Siarhieja Cichanoŭskaha i jašče 9 čałaviek zatrymali siłaviki.
Nahadajem, padčas pikieta adbyłasia pravakacyja. Na błohiera nakidvalisia žančyny. Nieŭzabavie ŭpaŭ adzin ź milicyjantaŭ, a potym siłaviki zatrymali Cichanoŭskaha i jašče niekalki čałaviek.
Voś jak usio adbyvałasia pa viersii BT.
Viadučy paviedamiŭ, što ź pieršych chvilin zbor podpisaŭ pieraros u mitynh. Ale na pytańni vybarščykaŭ Cichanoŭski nibyta adkazvać nie chacieŭ.
«Takaja maniera znosin ź ludźmi pierarasła ŭ bojku. Milicyja, što pasprabavała navieści paradak, apynułasia ŭ epicentry bojki, što zładzili na płoščy. Adzin z supracoŭnikaŭ milicyi padvierhsia napadu», — skazaŭ viadučy.