Padletki ŭ Minsku raspačali stralaninu pa voknach žyłoha doma
Žychary šmatkvaternaha doma ŭ Frunzienskim rajonie zajavili ŭ milicyju ab tym, što ich vokny raźbityja. Pravaachoŭniki prybyli na miesca i vyśvietlili, što da hetaha datyčnyja troje navučencaŭ adnaho ź licejaŭ stalicy va ŭzroście 16-17 hadoŭ, paviedamlaje HUUS.
Padletak, pakul baćki byli na dačy, zaprasiŭ da siabie ŭ hości siabroŭ. Adzin ź ich prynios z saboj pnieŭmatyčny pistalet. Paśla sumiesnaha raśpivańnia śpirtnych napojaŭ maładyja ludzi aprabavali novuju «cacku» tavaryša. Unačy jany stralali z hetaha pistaleta ŭ vokny žyłoha doma nasuprać. U vyniku paškodžana škło akonnych ram u čatyroch kvaterach.