U Hrodnie na damašniaha skandalista skłali pratakoł. A toj pryjšoŭ u milicyju i dakumient źniščyŭ VIDEA
43-hadovy žychar Hrodna pasvaryŭsia sa svaimi svajakami, na jaho vyklikali milicyju. Vyśvietliłasia, što mužčyna padčas kanfliktu raźbiŭ telefon svajho brata. U vyniku na skandalista skłali dva pratakoły, u tym liku za naŭmysnaje paškodžańnie majomaści, paviedamlaje UUS.
Dla aznajamleńnia z materyjałami pravierki jon pajšoŭ u aporny punkt. Mužčyna biez tłumačeńniaŭ razarvaŭ administracyjny pratakoł. Potym haradzieniec usialak sprabavaŭ apraŭdać siabie. Naprykład, śćviardžaŭ, što z-za drennaha zroku nie bačyŭ, jaki mienavita dakumient źniščaje.
Ciapier parušalniku pryjdziecca adkazvać nie tolki za naŭmysnaje paškodžańnie majomaści (sud pryznačyŭ jamu štraf u pamiery 108 rubloŭ), ale i panieści kryminalnaje pakarańnie. Pavodle č.1 st.377 KK Biełarusi, fihuranta mohuć prysudzić da pazbaŭleńnia voli maksimalnym terminam da 2 hadoŭ.