Łukašenka pavinšavaŭ Ału Puhačovu ź jubilejem
Alaksandr Łukašenka pavinšavaŭ narodnuju artystku SSSR Ału Puhačovu ź jubilejem.
Ab hetym BIEŁTA paviedamili ŭ pres‑słužbie kiraŭnika dziaržavy.
«Vy adna z najvialikšych zorak suśvietnaj estrady, čyje niepaŭtorny hołas, vysokaje vakalnaje majsterstva i žanočaje abajańnie raz i nazaŭsiody zavajoŭvajuć serca, — havorycca ŭ vinšavańni. — Dziakujučy Vašamu unikalnamu talentu, tonkamu hustu, siabroŭstvu z vydatnymi paetami i muzykantami na śviet źjaviłasia mnostva załatych šlahieraŭ, napoŭnienych hłybokimi pačućciami, ramantykaj, nadziejaj i vieraj u kachańnie».
«Ź vialikaj ščodraściu dušy Vy dapamahajecie maładym vykanaŭcam, adkryvajecie im darohu ŭ vialikaje mastactva», — adznačyŭ kiraŭnik dziaržavy.
Prezident pažadaŭ Ale Puhačovaj zaŭsiody zastavacca takoj ža jarkaj, enierhičnaj i cudoŭnaj, radavać svajoj tvorčaściu, a taksama zdaroŭja, natchnieńnia, pośpiechaŭ, ščaścia i dabrabytu