Čarhovaja ryzykoŭnaja ideja ŭładaŭ
U Homieli, Mahilovie, Babrujsku, Baranavičach, Starych Darohach inšych haradach siońnia i zaŭtra źbirajuć biudžetnikaŭ na mitynhi za Łukašenku.
Va ŭmovach, kali hramadstva elektryzavanaje, na hetyja samyja mitynhi mohuć masava pryjści i praciŭniki Łukašenki i całkam źmianić ich scenar.
16 žniŭnia mitynh za Łukašenku ŭ Minsku prajšoŭ u akružeńni siłavoha kardonu, u rehijanalnych haradach takich resursaŭ dla achovy niama.
Mitynh za Łukašenku ŭ Minsku taksama staŭ dadatkovym faktaram mabilizacyi žycharoŭ stalicy na Marš svabody, jaki ŭ vyniku sabraŭ u 20 razoŭ bolš udzielnikaŭ, čym aficyjny, i staŭ samym vialikim u historyi krainy.
A ŭčora najmacniejšym psichałahičnym udaram stała abstrukcyja, zroblenaja Łukašenku rabotnikami MZKC. Jon jechaŭ na zavod, jaki ličyŭ apłotam svajoj padtrymki, a atrymaŭ u tvar nie tolki skandavańnie «Uchadzi!», ale i žorstkija maty, i vykryk «Aficer? Zastrelsia!» Uvieś śviet pravioŭ paraleli z apošnimi dniami Čaŭšesku.