Zamki budujem svaimi rukami
«Historyka» ładzić letniki ŭ Iviancy i Lubčy.
«Historyka» ładzić letniki ŭ Iviancy i Lubčy.
Źmicier Rahačoŭ z Hramadzkaha abjadnańnia «Historyka» planuje dva bujnyja letniki. Pieršy projdzie z 22 lipienia pa 13 žniŭnia pad Iviancom. Buduć pravodzicca avaryjnyja pracy na miescy kolišniaj siadziby XVIII st., što źmianiła nie adnaho haspadara. Zachavalisia haspadarčyja pabudovy, jakija treba vyratavać ad kančatkovaha razbureńnia. Z hetaj miaścinaj źviazanaja lehienda pra draŭlany zamačak, zbudavany pierad pachodam na Hrunvald. Jon davaŭ prytułak palaŭničym, što ŭ miascovych lasach narychtoŭvali dzičynu pierad pachodam.
15–27 žniŭnia adbudziecca letnik u Lubčy pad patranažam kiraŭnika Fondu «Lubčanski zamak» Ivana Piačynskaha. Pracy na adbudovie zamku šmat, tamu zaprašajucca ŭsie achvotnyja. Miarkujecca pabudavać paŭtarametrovy mur pamiž dźviuma adnoŭlenymi viežami. Majecca zaćvierdžany prajekt i budmateryjały, patrebnyja tolki ruki.
Taksama planujecca padrychtavać placoŭku pad adbudovu draŭlanaj viežy, jakaja stajała na bierazie Niomanu. Miesca toje ŭ 20-ch hadach minułaha stahodździa padmyła raka. Akramia taho, haradzienski archieolah Hienadź Siemiančuk atrymaŭ dazvoł na raskopki na terytoryi zamčyšča. U planach taksama raboty ŭ lubčanskim parku. Pracy chopić usim.
Pa infarmacyju źviartacca pa telefonach: 755-03-70 i 654-65-59 (Źmicier).