Jałfimaŭ: «Ja śpiavaŭ ach…cielna»
+ videa Jałfimava i Rybaka
U aŭtorak u Maskvie prajšoŭ pieršy paŭfinał muzyčnaha konkursu «Jeŭrabačańnia». Ciapier čakajem vystupu ŭ čaćvier Alaksandra Rybaka z Narviehii. Darečy, siońnia, 13 traŭnia, jamu spoŭniłasia 23 hady.
Pra heta pradstaŭnik Respubliki Biełaruś na konkursie «Jeŭrabačańnie» Piatro Jałfimaŭ zajaviŭ adrazu paśla pieršaha paŭfinału konkursu, adkazvajučy na pytańni biełaruskich žurnalistaŭ.
– Śpiavaŭ ja ach…na! Tak i napišycie. Daj Boh usim tak śpiavać, – skazaŭ rasstrojeny Piatro.
– U vas, u žurnalistach, prablema. Vielmi surjoznaja. Bo vy durnyja, – patłumačyła Taciana Kasmačova, paviedamlaje KP v Biełarusi.
***
Nahadajem, što ŭčora prajšoŭ pieršy paŭfinał konkursu.
Piotr Jałfimaŭ u dziesiatku finalistaŭ nie trapiŭ (było 18 kankursantaŭ). U finał prajšli: Turcyja (Chadise), Šviecyja (Malena Ernman), Izrail (Noa i Mira Avad), Partuhalija (Flor‑de‑Li), Malta (Kjara), Finlandyja (hurt Valdo Pipł), Bośnija (hurt «Rehina»), Rumynija (Jelena Hieorhi), Armienija (Inha i Anuš Aršakian), Isłandyja (Jochanna).
U čaćvier projdzie druhi paŭfinał. Biełarus Alaksandr Rybak, što vystupaje ad Narviehii, vystupić pad šostym numaram.
Dziesiać finalistaŭ pavodle pieršaha paŭfinału nastupnyja:
Turcyja (Chadise), Šviecyja (Malena Ernman), Izrail (Noa i Mira Avad), Partuhalija (Flor-de-Li), Malta (Kjara), Finlandyja (hurt Valdo Pipł), Bośnija (hurt «Rehina»), Rumynija (Jelena Hieorhi), Armienija (Inha i Anuš Aršakian), Isłandyja (Jochanna).
Na fonie ahulnaj masoŭki, vidavočna vydzialilisia pieśniaj i pastanoŭkaj Bośnija, Armienija, Šviecyja, Izrail. Piotr hladzieŭsia niakiepska i stvarałasia ŭražańnie, što maje dobryja šancy prajści ŭ finał.
Ale, vidać, mieli racyju biełaruskija viadučyja Dzianis Kurjan i Alaksandr Cichanovič, minusam dla nas była adsutnaść susiedziaŭ, ni Polšča, ni Ukraina, ni Litva, tym bolš Rasija siońnia hałasavać nie mahli.
Pa skančeńni konkursu režysior-pastanoŭščyk biełaruskaha numaru Januš Juzefovič zajaviŭ, što ciažka stavić šoŭ, kali ŭsio vyrašaje nie śpiavak, a jaho žonka, a kiraŭnik biełaruskaj delehacyi Alaksandr Martynienka pastaviŭsia da parazu pa-fiłasofsku: "Što zrobiš, značyć nie zmahli ŭ siabie zakachać telehledačoŭ".
***
U čaćvier projdzie druhi paŭfinał, jaki taksama vyznačyć 10 finalistaŭ.
U hetym paŭfinale i vystupić Alaksandr Rybak, jaki pradstaŭlaje Narviehiju.
Darečy, siońnia, 13 traŭnia, jamu spoŭniłasia 23 hady. Vinšujem i zyčym pieramohi.
***
Na žal, žychary Biełarusi, jak i biełarusy Čechii, Bielhii, Šviecyi, Izraila (h.zn. tyja krainy, što vystupali ŭ aŭtorak) nie zmohuć hałasavać u čaćvier.
Ale ŭsie 42 krainy zmohuć prahałasavać u finale, dzie vystupiać pa 10 pieramožcaŭ kožnaha z dvuch paŭfinałaŭ, a taksama dałučacca pieramožca minułaha Jeŭrabačańnia Rasija (Nastaśsia Prychodźka), a taksama viečnyja finalisty: Francyja, Niamieččyna, Vialikabrytanija i Ispanija.
***
BT pakaža i čaćviarhovy paŭfinał i subotni finał u žyvym efiry.
Pačatak a 22:00.
Vystup Piatra Jałfimava
Vystup Alaksandra Rybaka (Narviehija)
***
«Naš małady Saša skaryŭ norhaŭ»
U čaćvier 14 maja ŭ druhim paŭfinale «Jeŭrabačańnia» pad šostym numaram vystupić narviežski śpiavak biełaruskaha pachodžańnia Alaksandr Rybak. Naš ziamlak, jaki pradstavić Narviehiju pieśniaj «Fairytale» («Kazka»), źjaŭlajecca adnym z favarytaŭ konkursu. Zrabiŭšy furor u časie adboru, jon zajmieŭ niamała prychilnikaŭ u Biełarusi. Kiraŭnik biełaruskaj delehacyi Alaksandr Martynienka navat nazvaŭ jaho bolšym patryjotam Biełarusi, čym Piotr Jałfimaŭ, jaki sioleta prezientuje Biełaruś na «Jeŭrabačańni» ŭ Maskvie.
Pra toje, jak pośpiechi našaha ziemlaka ŭsprymajuć u Narviehii, ci viedajuć pra jahonaje pachodžańnie, raspavioŭ paet Słavamir Adamovič, jaki žyvie ŭ hetaj paŭnočnaj krainie: «Mahu skazać, što junak narabiŭ šumu ŭ Narviehii, zbolšaha pra jaho pachodžańnie narod viedaje. Byli intervju z baćkami. Naš małady Saša skaryŭ norhaŭ niepasrednaściu i tempieramientam i abyhraŭ u adboračnym tury narviežskuju śpiavačku, prykładna svaich hadoŭ. Adzinaje, što prosty narviežski narod časta błytaje Russland z Hviterussland…Z 4 400 tysiač nasielnictva Narviehii za Rybaka prahałasavała bolš 700 000 čałaviek. Ale biez sumnievu — pieražyvać za jahony vystup u Maskvie budzie ŭsia Narviehija. I ŭsio heta dziakujučy Čarnobylu».
* * *
Alaksandr Rybak naradziŭsia 13 traŭnia 1986 h. u Minsku ŭ siamji muzykaŭ. Praz čatyry hady siamja Rybakoŭ pierajechała na stała ŭ Narviehiju. Alaksandr u piacihadovym uzroście pačaŭ zajmacca muzykaj. Uładalnik pryzu Andersa Jaresa, pieramožca konkursu «Vialiki šaniec» telekampanii NRK. Supracoŭničaŭ z muzykam z «A‑ha» Mortenam Charkietam. Za rolu skrypača ŭ pastanoŭcy narveskaha teatru Oslo Nye Teater u miuzikle «Skrypač na dachu» byŭ uznaharodžany Heddaprisen. Akramia taho zdymaŭsia ŭ režysiora Hrete Salamonsena — film «Johan». Na «Jeŭrabačańnie‑2009» patrapiŭ dziakujučy pieramozie ŭ Melodi Grand Prix 2009 ź pieśniaj «Fairytale».