Z 1 śniežnia biełaruskija miedyki i ajcišniki zmohuć pracavać u Polščy biez dazvołu
Z 1 śniežnia biełarusy, što pryjechali ŭ Polšču pa humanitarnych vizach, zmohuć pracavać biez atrymańnia dazvołu, piša «Polskaje radyjo».
Havorka idzie pra daktaroŭ, miedsiaścior, a taksama IT-śpiecyjalistaŭ, jakija ŭjazdžajuć u krainu ŭ ramkach prahramy Poland Business Harbour. Raniej paviedamlałasia, što adpaviedny zakonaprajekt prachodzić abmierkavańnie.
— U Biełarusi na hety momant składanaja hramadska-palityčnaja situacyja, i my chacieli b, kab u hramadzian hetaj krainy była mahčymaść u nas pracavać, — cytuje «Polskaje radyjo» namieśnika ministra raźvićcia, pracy i technałohij Polščy Ivonu Michalek.
Pa słovach namieśnika kiraŭnika viedamstva, biełaruskija rabotniki asabliva zapatrabavanyja ŭ śfiery achovy zdaroŭja, pakolki ŭ rehijonach Polščy nie chapaje daktaroŭ, miedsiaścior, miedycynskich ratavalnikaŭ.
— U pieryjad pandemii jany vielmi zapatrabavanyja. Važna, kab našy hramadzianie atrymlivali dobruju miedycynskuju dapamohu, — kanstatavała Ivona Michalek.