U Žodzinie dziadula z 2,8 pramile pajechaŭ zabirać unuka z sadka
U milicyju pastupiła paviedamleńnie: pa vulicy Savieckaj jedzie «Ford», jakim kiruje pjany kiroŭca. Supracoŭniki DAI spynili aŭtamabil, piša abłasnaja milicyja.
Za rulom byŭ 56-hadovy mužčyna. Pa vonkavych prykmietach jon byŭ pjany, heta paćvierdziŭ i miedycynski ahlad, jaki pakazaŭ 2,8 pramile ałkaholu.
Pa słovach kiroŭcy, jon jechaŭ zabirać sa škoły ŭnuka. Taksama jon sprabavaŭ pierakanać supracoŭnikaŭ DAI, što pryniaŭ 50 hramaŭ valarjanki, padmacoŭvajučy svaje słovy paśviedčańniem invalida.