Sansłužba Minska nastojliva rekamienduje pravieści Novy hod u blizkim kole svajakoŭ
Śniežań 2018. Fota Voli Aficeravaj
Pra heta paviedamiła siońnia žurnalistam hałoŭny sanitarny doktar Minska Śviatłana Jarmak, piša BiełTA.
«Uličvajučy, što navahodnija śviaty — heta masavyja mierapryjemstvy, jakija lubiać pravodzić nie tolki ŭ kole siamji, ale i sa svaimi siabrami, znajomymi, my ŭsio ž taki nastojliva rekamiendujem hetyja śviaty choć by ŭ hetym hodzie pravodzić u blizkim kole svaich svajakoŭ, kab nie być datyčnym da zaražeńnia siabie abo svaich znajomych»,-skazała Śviatłana Jarmak.
Što tyčycca karparatyvaŭ, to hałoŭny sanitarny doktar nahadała: rašeńniem Minharvykankama ŭsim abjektam hramadskaha charčavańnia było zabaroniena pravodzić zakrytyja i zakaznyja mierapryjemstvy. «Heta źjaŭlajecca asnoŭnym prafiłaktyčnym srodkam, treba ŭstrymacca ad praviadzieńnia takich mierapryjemstvaŭ», - adznačyła jana.
Sansłužba taksama rekamienduje zrabić pakupki da śviataŭ zahadzia, kab paźbiehnuć čerhaŭ. Pry naviedvańni handlovych centraŭ, mahazinaŭ abaviazkova vykarystoŭvać srodki indyvidualnaj abarony.
Jana taksama adznačyła, što masačny režym u stalicy, uviedzieny 12 listapada, moža zachavacca ŭ najbližejšyja niekalki miesiacaŭ.