Startap Iłana Maska ŭžyviŭ u mozh małpy čyp, jaki dazvalaje siłaj dumki hulać u videahulni
Niejratechnałahičny startap Neuralink miljardera Iłana Maska, jaki raspracoŭvaje interfiejs dla padklučeńnia mozhu da kampjutara, paśpiachova ŭžyviŭ u mozh małpy čyp, paśla čaho jana stała zdolnaja hulać u videahulni z dapamohaj rozumu.
Pra heta zasnavalnik kampanii Iłan Mask raspavioŭ u čacie ŭ dadatku Club house, paviedamlaje meduza sa spasyłkaj na Bloomberg.
«U nas jość małpa ź biazdrotavym impłantatam u čerapie z malusieńkimi dratami, jakaja moža hulać u videahulni z dapamohaj svajho rozumu», — skazaŭ jon.
Mask adznačyŭ, što impłant niezaŭvažny, a małpa «ščaślivaja». Pa słovach pradprymalnika, kampanija Neuralink raźličvaje, što paddoślednyja małpy buduć hulać adna z adnoj u intelektualny pinh-ponh.
Mask paabiacaŭ u najbližejšy čas, prykładna praź miesiac, pakazać videa z małpami, jakija hulajuć u videahulni.