Minfin Biełarusi abvierh infarmacyi pra novy rasijski kredyt
Minfin Biełarusi abvierh čutki ab zapycie ŭ Rasii kredytu na try miljardy dalaraŭ za košt rešty srodkaŭ raniej vydadzienaha kredytu na budaŭnictva BiełAES.
Pra heta paviedamiła pres-sakratarka biełaruskaha viedamstva Iryna Komar, pieradaje «Interfaks».
«My pracujem pa raniej vyznačanych damoŭlenaściach i nie zapytvali daterminova atrymać srodki. Infarmacyju nie paćviardžajem», — skazała jana.
Raniej pres-sakratar rasijskaha prezidenta Dźmitryj Piaskoŭ kazaŭ pra padrychtoŭku sustrečy lidaraŭ Rasii i Biełarusi. Pa jaho słovach, jaje paradak jašče farmirujecca.
Taksama «Kommiersant'» paviedamiŭ, što na sustrečy ŭ lutym Łukašenka paprosić u Pucina prava patracić srodki, jakija zastalisia ad budaŭnictva Biełaruskaj AES.