Pucin patłumačyŭ, čamu nie pryščapiŭsia rasijskaj vakcynaj
Prezident Rasii Uładzimir Pucin zajaviŭ, što nie pryščapiŭsia vakcynaj «Spadarožnik V» ad karanavirusa, pakolki ŭ jaho «jość pryščepačny płan i adnačasova niekalki vakcyn stavić nielha», paviedamlaje «Kommiersant».
U pryvatnaści, hałoŭny redaktar «Niezavisimoj haziety» Kanstancin Remčukoŭ spytaŭ, ci nie choča Uładzimir Pucin, tak by mović, svaim prykładam usio ž taki padtrymać vakcynacyju, bo jamu tak daviaraje bolšaść rasijcaŭ.
Pucin adkazaŭ što, maŭlaŭ, hatovy pryščapicca, ale ŭ jaho jość pryščepačny płan, u im jość pryščepki ad hrypu i pnieŭmakoka, tak što jon paraicca ź lekarami, kali lepš heta zrabić, tamu što adnačasova nielha. Mahčyma, u kancy leta — pačatku vosieni, kali pačniecca aktyŭny čas i jamu pryjdziecca šmat jeździć.
«Kommiersant» taksama adznačaje, što hałoŭnych redaktaraŭ ŚMI Rasii na sustreču z Pucinym paprasili pryjści z vynikami testu na karanavirus. Jany prynieśli, adnak nichto hetymi daviedkami nie pacikaviŭsia.