Nakuplała tavaraŭ na 200 rubloŭ. U Maładziečnie kasirka prysabiečyła kartki, što zabyvali pakupniki
Historyja pačałasia tak. 52-hadovaja maładziečanka źviarnułasia ŭ milicyju, jana zhubiła kartku, a paśla ź jaje źnikli 110 rubloŭ.
Pa słovach žančyny, «płastykam» jana raźličvałasia za pakupki ŭ supiermarkiecie, a źniknieńnie kartki zaŭvažyła tolki na nastupny dzień, kali na mabilny stali prychodzić sms-paviedamleńni pra śpisańnie hrošaj.
U chutkim časie ŭ rajadździeł milicyi pastupiła anałahičnaja zajava ad inšaj 52-hadovaj žančyny. Jana taksama zhubiła kartku paśla naviedvańnia kramy, i joj taksama prychodzić apaviaščeńni pra śpisańnie hrošaj. Chtości apłačvaŭ pakupki ŭ roznych handlovych kropkach horada, ahulnaja škoda skłała 92 rubli, paviedamlaje «Rehijanalnaja hazieta».
Milicyja vyśvietliła, što žančyny naviedvali adzin i toj ža supiermarkiet. Pryčym kartki zabirała kasirka, zamiest taho kab viarnuć ich.
Dačynieńnie da kradziažoŭ hrošaj atrymałasia ŭstalavać dziakujučy kamieram videanazirańnia. A žančyna takim čynam raspłaciłasia ŭ šaści kramach i aptekach.