Va Ukrainu nie puścili aŭtobus ź biełarusami: va ŭsich 35 pasažyraŭ byli padroblenyja daviedki ab PCR-testach
Padroblenyja dakumienty vyjavili pamiežniki va ŭkrainskim punkcie propusku «Dolsk».
Jak paviedamlaje Dziaržaŭnaja pamiežnaja słužba Ukrainy, padčas pravierki pradjaŭlenych pasažyrami vynikaŭ testu na kavid u inśpiektara pamiežnaha kantrolu źjavilisia sumnievy ŭ ich sapraŭdnaści. Padčas bolš daskanałaha daśledavańnia pamiežniki vyśvietlili, što błanki istotna adroźnivajucca ad aryhinała, a taksama na ich niama abaviazkovych rekvizitaŭ. Akramia taho, u niekalkich pasažyraŭ pamiežniki vyjavili daviedki z adnolkavymi numarami.
Pamiežniki prainfarmavali ab zdareńni supracoŭnikaŭ Nacpalicyi i nakiravali paviedamleńnie ab prykmietach kryminalnaha złačynstva.
Hramadzianam Biełarusi pamiežniki admovili va ŭjeździe na terytoryju Ukrainy.