Ministerstva pa padatkach dazvolić raspradać reštki pradukcyi Nivea i Skoda
Dla subjektaŭ haspadarańnia praduhledžanaja mahčymaść realizavać najaŭnyja ŭ ich reštki zabaronienych tavaraŭ, pramarkiravaŭšy ich śpiecyjalnymi kantrolnymi znakami. Ich treba budzie kupić.
Ministerstva padatkaŭ i zboraŭ patłumačyła paradak dziejańniaŭ subjektaŭ handlu z ulikam pastanovy Savieta Ministraŭ ad 23 krasavika 2021 hoda №240 «Ab užyvańni śpiecyjalnych zachadaŭ», jakim ustanoŭleny pieralik tavaraŭ, zabaronienych da ŭvozu i realizacyi na terytoryi Biełarusi, paviedamili BiełTA ŭ MPZ.
Biełaruskija ŭłady ahučyli svaje kontrsankcyi. Pad zabaronu trapili Skoda i Nivea
U pieralik zabaronienych uniesienyja tavary hrup kampanij Liqui Moly, Skoda Auto i Beiersdorf (handlovyja marki Nivea, Eucerin, La Prairie, Labello, Hansaplast, Florena, 8x4, Skin Stories, Gammon, Tesa, Chaul, Coppertone, Hidrofugal, Stop the water while using me). Pieralik tavaraŭ i pałažeńnie ab paradku dziejańniaŭ u dačynieńni da ich ustupajuć u siłu z 5 maja.
Dla subjektaŭ haspadarańnia praduhledžanaja mahčymaść realizavać najaŭnyja ŭ ich reštki zabaronienych tavaraŭ, pramarkiravaŭšy ich śpiecyjalnymi kantrolnymi znakami. Dla hetaha jany pavinny vykanać šerah patrabavańniaŭ. Im varta z 5 maja prypynić aptovy i roźničny handal dadzienymi tavarami. Zatym nie paźniej za 13 maja treba pravieści ich invientaryzacyju i zdać vopis u MPZ.
Śpiecyjalnyja kantrolnyja znaki ŭ kolkaści, jakaja nie pieravyšaje kolkaść tavaru, paznačanuju ŭ vopisie, treba budzie kuplać u vydaviectvie «Biełbłankavyd». Zatym nie paźniej za 5 lipienia treba pramarkiravać reštki tavaraŭ. Pry hetym raspakavanyja reštki realizujucca biez markiroŭki na praciahu 60 kalandarnych dzion ad invientaryzacyi.