Daily Beast: List pra bombu pryjšoŭ na poštu minskaha aeraporta tolki praz 24 chviliny paśla papiaredžańnia dyśpietčara
Amierykanskaje vydańnie Daily Beast paviedamiła, što list pra «bombu CHAMAS» pryjšoŭ na poštu minskaha aeraporta tolki praz 27 chvilin paśla taho, jak samalot uvajšoŭ u pavietranuju prastoru Biełarusi, i praz 24 chviliny paśla taho, jak minski dyśpietčar zajaviŭ piłotam pra pahrozu vybuchu.
Daily Beast śćviardžaje, što z dapamohaj centra «Daśje» rasijskaha palityka Michaiła Chadarkoŭskaha atrymała aryhinał hetaha lista. I što jon byŭ tolki praz 24 chviliny paśla taho, jak dyśpietčar minskaha aeraporta papiaredziŭ piłotaŭ pra pahrozu, piša Radyjo Svaboda.
U liście «CHAMAS» patrabavaŭ ad ES admovicca ad padtrymki Izraila, a taksama kab Izrail spyniŭ ahoń u Siektary Haza.
Cikava, što list z pahrozaj pryjšoŭ i na elektronnuju poštu administracyi «Litoŭskich aeraportaŭ».
Zychodziačy z danych «Daśje», chranałohija atrymałasia takoj:
12.25 — Litoŭskija aeraporty atrymali list ad «terarystaŭ»
12.33 — biełaruski bok painfarmavaŭ ekipaž ab mahčymaj pahrozie vybuchu
12.57 — u minski aeraport pryjšoŭ list z pahrozaj ab bombie
Hreckaje ŭpraŭleńnie hramadzianskaj avijacyi zajaviła, što ŭ afinski aeraport takich pahroz nie prychodziła.