Kancler Aŭstryi patelefanavaŭ Cichanoŭskaj paśla viestki pra sprobu samahubstva Łatypava
Cichanoŭskaja raspaviała pra situacyju ŭ biełaruskich turmach. Jana zaklikała kanclera Aŭstryi Kurca dziejničać rašuča, kab spynić katavańni.
Śviatłana Cichanoŭskaja i jaje daradca pa mižnarodnych pytańniach Valer Kavaleŭski padčas hutarki z kancleram Aŭstryi Siebaścianam Kurcam
Kancler Aŭstryi Siebaśćian Kurc patelefanavaŭ Śviatłanie Cichanoŭskaj paśla paviedamleńnia ab sprobie suicydu palitźniavolenaha Ściapana Łatypava, jaki pasprabavaŭ pierarezać sabie horła ŭ zale suda. Pra heta paviedamlajuć mižnarodnyja ŚMI.
Cichanoŭskaja raspaviała pra situacyju ŭ biełaruskich turmach. Jana zaklikała kanclera Aŭstryi Kurca dziejničać rašuča, kab spynić katavańni.
«My zaklikajem Aŭstryju padtrymać čaćviorty pakiet sankcyj [Jeŭrasajuza suprać łukašenkaŭcaŭ] i razhledzieć piaty. I nie mienš važna ciapier dapamahać hramadzianskaj supolnaści Biełarusi», — cytujuć Cichanoŭskuju ŚMI.
Jana taksama padziakavała Kurcu, što jon padniaŭ pytańnie kryzisu Biełarusi ŭ razmovie z Pucinym paśla sustrečy ź joj u krasaviku.
Akramia taho, Śviatłana Cichanoŭskaja prapanavała Aŭstryi ŭziać na siabie inicyjatyvu praviadzieńnia mižnarodnaj kanfierencyi vysokaha ŭzroŭniu pa rašeńni kryzisu ŭ Biełarusi. A Kurc, u svaju čarhu, zaprasiŭ Cichanoŭskuju vystupić na Forumie Jeŭropy ŭ aŭstryjskim Vachau.