Ukrainskaja presa: aliharch Ihar Kałamojski «kinuŭ» biełaruskaha biznesmiena Mikałaja Vierabja na $20 miljonaŭ
Kampanija NT Marine, źviazanaja ź biełaruskim biznesmienam Mikałajem Vierabjom, sprabuje spahnać doŭh 20 miljonaŭ dalaraŭ ź firmy Sanderlyn, afilavanaj z ukrainskim aliharcham Iharam Kałamojskim, piša Kyiv Post.
U krasaviku palicyja Izraila adkryła kryminalnuju spravu pa fakcie machlarstva. U śpisie padazravanych, pa krynicach Kyiv Post, piać čałaviek — Ihar Kałamojski i jaho partniory.
Žurnalisty pišuć, što kampanija Sanderlyn, zarehistravanaja na Kipry, padpisała pahadnieńnie z estonskaj NT Marine na pastaŭku 320 tys ton vuhalu va Ukrainu. Košt pytańnia skłaŭ 25 młn dalaraŭ abo 78 dalaraŭ za tonu.
Na praciahu troch tydniaŭ NT Marine adhružała vuhal va Ukrainu.
Sanderlyn uniesła pieradapłatu 5 młn dalaraŭ, astatnija 20 młn admoviłasia płacić.
NT Marine choča spahnać hrošy praz sud. Aficyjna kampanija naležyć hramadzianinu Estonii Alaksieju Čulecu, jakoha bałtyjskaja presa źviazvaje ź Vierabjom.